Puisi Islam

Mula Kalam lon pujoe Allah

Po Rabbana, Subagoew Peumurintah

Alam dunia & Alam Akhirah

Teuma oh leuh nyan seulaweut dan saleum keu rasulullah

Insan mulia, istimewa meulumpah

 

Dingo bacut calitra lon neuh pegah

Mengenai Pribadi Rasulullah

dari hadis yang sahih neuk lon kisah

Ngon judul SHAMAIL RASULULLAH

atauwa KHASAIL NUBUAH

 

Wajah Habibullah

Sibutoijih Wajah Habibullah mustahil ta surah

karena lagak meulumpah kekasih Allah

Allamah Qurtubi pernah neu peugah

wajah nabi menyo bandub Geupulumah dari Khazanah

maka hanjeut dipandang le insan, sahabah dan sahabiah

 

Wajah Rasulullah Sallallahu’alahi Wassallam hana that puteh hana that merah

Tapi meucahaya lagei buleun puet blah

Badan Rasulullah Sallallahu’alahi Wassallam hana that tinggi hana rendah

Ok Nabi hana that lurus hana that keureuteng Ureung Afrikiyah

Tapi patah mayang meugulombang indah

 

Watei neumeuhimpon ngon para sahabah

Rasulullah Sallallahu’alahi Wassallam yang leubeh tinggi sagoe Deureujah

Ilmei, Takwa dan bandum nyoe geupeunan Mukjizah

 

Cara Rasulullah Sallallahu’alahi Wassallam meulangkah

Hana that meuleb dan hana that bagah

langkah meuteunaga agak bagah

Dan Hana nibak  Rasulullah 

Neu meulangkah Sombong atauwa Meugah

Ok Rasulullah Sallallahu’alahi Wassallam menyo paneuk ouh geulinyung bawah

menyo panyang ouh baho dan hana leupah

 

Pakiban lagak wajah Rasulullah

Mukjizat Batiniah dan Zahiriah

Antara Nabi Yusuf .A.S dan Nabi Muhammad Sallallahu’alahi Wassallam Habibullah

Meunyo ngon-ngon Zulaikha teukoh aneuk jarow watei Nabi Yusuf neumeulangkah

Tapi Para sahabat dan sahabiah teukoh hate ngon pribadi dan akhlak karimah

Akhlak luar biasa hana bandeng sa lam ta Ibrah.

lagak, Indah, Ahlak mulia, Tawakdu’, Got tutur kata, SubhanAllah.

 

Meusambong teuma  ……………………………………………………..

Tgk.Beureunun 07-02-1429 H